9.6.06

التدوين"في الصحافة الحكومية"

تحقيق قرأته بالصدفة في مجلة حكومية لا أظن ان لها شعبية (عن نفسي لا أعرف احد يقرأها) ,المجلة كاتبة عن التدوين في العدد الأخير لكن فشلت تماما في العثور على التحقيق في النسخة الالكترونية منها!!!!

المجلة تحدثت عن التدوين واصفة اياه بأنه نوع من صحافة الهواة و قالت ان هناك 285 مدونة مصرية (اعتقد انهم اكثر) أشهرها "منال و علاء" و "بهية" و "الوعي المصري" و أن ثلاثتهم يجمع بينهم الخط السياسي المعارض

و تحدثت عن مدونة منال و علاء باعتبارها اشهر مدونة مصرية , و ذكرت كلاما على لسان علاء عن التدوين , لكن دون اي ذكر لكونه معتقل حاليا

لغاية هنا ممكن نعتبر الكرم محايد نسبيا حتى رغم عدم ذكر المجلة لاعتقال علاء , لكن المهم هو في ما اوردته المجلة على انه استطلاع رأي الشباب في المدونات , الذين اشارت المجدلة ان الغالبية العظمى منهم لا يعرفون المدونات و القلة التي تعرفها تعتبرها نوع من صحافة الهواة "الغير جيدة" التي تكتفي بنقل الأخبار من مواقع اخبارية

كل الآراء المنشورة ماعدا واحد أكدت على اهمية وجود رقابة !!!!!على المدونات و تعددت أسباب أهمية الرقابة فهناك رأي أنها قد تنشر الشائعات و آخر أنها يمكن ان تسيء الى اشخاص دون رقيب , و هناك رأي انه لابد ممن يراجها قبل النشر للتأكد من عدم نشر معلومات مغلوطة او افكار غير سليمة (طيب و تبقى لازمتها ايه اصلا؟؟؟؟)

الرقابة , الرقابة , الرقابة , كلمة متكررة بشكل غريب , و متكررة فقط في آراء الشباب (المجلة بريئة دا رأي الناس!!!!!) و حتى في رأي الأكاديمي

بعد وثائقي الجزيرة , ربنا يستر ماتبدأش حملة من الصحافة الحكومية لإخضاع الأنترنت للرقابة الحكومية , و على قول صديقة مقربة : عايزين يوجعوا قلبنا واقعي و افتراضي

17 Comments:

At 2:01 AM, Blogger Abdou Basha said...

قصدك حجب مواقع مثلا ..؟
هو الضغط اللي على التدوين ممكن يكون بالتعامل معاه كمادة إعلامية.

بمعنى إنه تطبق عليه التهم اللي بتتوجه للمادة الإعلامية أو حتى الأدبية .

تهم الاساءة للذات الإلهية، أو التحريض، أو نشر أخبار مغرضة ..الخ

لكن أنا أعتقد ان أكتر شيء ممكن يقلق الأمن في أي بلد حتى في أمريكا هو وجود حس تنظيمي لأي تجمع، ومصادر تمويله اذا كان فيه .
غير كده يبقى الموضوع ممكن يعدي، وعايز أقول كمان ان الناس في مصر حاليا عندها خوف من أي انفلات أو أي عمل متهور .
لإن البلد محتقنة، فالناس طبيعي يكون كلامها كده .

 
At 2:12 AM, Blogger bluerose said...

في مؤتمر تونس وزراء الداخلية اتكلموا عن حجب مواقع فعلا

و سمعت مؤخرا من صديقة ان مفيد شهاب اتكلم عن رقابة حكومية على مواقع الانترنت , للرقابة على "النشاط الانترنتي"

 
At 3:22 AM, Anonymous يحي said...

شخصيا قلقان برضه من حاجة زي ديه..ألمشكلة ان الاعلام سلط الضوء علي التدوين بأعتباره أداة سياسية وتجاهل تماما لكل جوانب التدوين الأخري...زي ادوات التواصل..والعة المستخدمة..وتأثير ده علي علاقات المدونين ببعضهم..وازاي قدورا يخلئوا عالم موازي لعالمهم المعايش بكل أحبطاته..ونوع المعلومة اللي بيقدمها
طبع الجانب السياسي اكثر سخونة وأسهل ترويجا...ومبيخبطش في المجتمع غير في لطبقة الحاكمة بس (يعني من فوق)وطبعا ده ممكن يخليهم يخدوا الموضوع عاطل في باطل ويرجعونا لعصر الحمام الزاجل..وألنقش علي الحجر
وكله بالقانون والدين والمحافظة علي العادات والتقاليد
وفكرة ان المدونين يتحولوا في يوم الي جماعة منظمة فأشك
المدونين جزء من المجتمع المصري الغير قابل للتنظيم..ومنتزع منه حق العمل الجماعي من خمسين سنة..لدرجة اصبح شبه معدوم
افتكر ان دور المدونات مش هيتجاوز حاجز التحريض
تحياتي

 
At 9:32 AM, Blogger Lasto-adri *Blue* said...

هو حتى ع الانترنت
ما كفايا بقى
وبعدين اصلا الحكاية دى شبه مستبعدة اساسا

اصل لو كدة ما فى مئات.. بل آلاف المواقع اللى معارضة... بل ان فى مواقع بتقدم معارضة اقوى من المدونات

يابنتى العدد فى الليمون... وحتى لو فكروا يراقبوا.. مش ح يعرفوا

فى ميت وسيلة ووسيلة لنشر نفس الأفكار

اللهم الا لو حجبوا مواقع زى
blogger.com
وخلافه كليا!!

بس ايه.. موقع شخصى اذا

هههه

سورى.. بس يقبلونى

 
At 9:47 AM, Blogger asad said...

This comment has been removed by a blog administrator.

 
At 11:52 AM, Blogger asad said...

هنا في مكان ما , يتوفر الاتصال بالانترنت عن طريق خدمة " فاميلي انترنت " التي توفرها الشركة المدعوة

Te data

وبالفعل فإن موقع

Bloggr.com

محجوب , ولا تنفع البروكسيات والوسائل التقليدية حيث أستخدم حلولا تقنية مقرفة للتمكن من فتح المدونات .ـ

أعتقد أنها خطوة على الطريق , المدونات محجوبة عن الفاميلي , تمهيداً لحجبها عن الجميع بعد ذلك , حتى لا تعم يها البلوى ـ

 
At 1:45 PM, Blogger الافغانى said...

علي فكرة انا قابلت في حفلة المدونين اتنين عاوزين يقولوا بردوا ان مشكلة القضاة بينهم وبين بعض وطبعا سمعني مقلتين من النوع دا وردايت علية في سطر واحد شوفتي العملية غسل دماغ ازاي

 
At 4:45 PM, Anonymous ألِف said...

خدمة الرقابة الاختيارية العائلية شيء جيد،

لكن غريب جدا موضوع حجب بلوجر منها!!

ممكن تقولنا أكثر عن المواقع المحجوبة في الخدمة يا أسد و من متى، و هل توجد وسيلة للعملاء للتذمر من حجب جائر في الشركة أو طلب حجب موقع معين؟

 
At 5:20 PM, Anonymous Yahya_Ayash said...

هههههههههههههه
والله العالم دي شكلها مش عايشة في الدنيا!!

هي أصلا لم تلتفت إلى اسباب وجود التدوين من الأصل ولا ميزات التدوين، Sorry، أقصد ما يعتبره المدونون مميزات للتدوين..لأنها لو تعرف مكنتش تقول الكلام العبيط ده!!

صحافة هواة..وروني نفسكوا يا محترفين!!
استطاع المحترفون الحكوميون في بلدنا أن ينتجوا ورقا ذي جودة عالية صالح للف الفلافل..

 
At 5:32 PM, Anonymous Yahya_Ayash said...

على فكرة صحيح..بتفكريني بمشكلة مجمع التدوين السعودي "أوكساب"..الراجل اتكلم في لقاء تلفزيوني عن إنهم تجمع "رسمي"، وعن رقابة وحاجات كدة..

مدونة سعودي جينز استلمته ووراها كام مدونة سعودية..

بس مهما يكن فلما يتكلم واحد صاحب مجمع تدويني عن رقابة فببساطة رقابة على نفسه، محدش يلومه..أما مجلة وحكومية..يبقى تحسس مسدسك يا جوبلز..

 
At 7:56 PM, Blogger dr_shadow said...

أظن إن الرقابة على المدونات أمر مستحيل .... كده كل مدونه عاوزالها رقيب ولا اتنين لأن المدونات غير مقيده بوقت للبرنامج ولا عامود على 1/2 صفحة فى جرنان .. كل واحد بيكتب اللى هو عاوزه مهما كان طويل .. ده غير إن العدد كتير .. كتييييييييير . هما فعلا ممكن يعملوا بلوكينج لموقع زى بلوجر او تدوين وغيرهم ... لكن ده مش حل لان فيه مواقع تانية ياما .. وهما مش هايقدروا يعملوا بلوك ليها كلها .. انا رايى ان البلوجرز بالنسبة للحكومه كائن هلامى مش عارفين يمسكوه منين ... وهو مش بس بيقوم بدور تحريضى .. ده بقى لد دور فعال على الارض . واعتصام التحرير ومظاهرات القضاه بتشهد بده .
ولحد ما يلاقوا طريقة يمسكوا بيها الكائن الهلامى ده هنفضل نعور فيهم ونطلع مساوئهم .. واما نشوف مين المحترفين !!

 
At 1:55 AM, Anonymous bigera said...

السلام عليكم

لسه شايف مالك فى تقرير حول المدونيين والحفلة اللى كانوا عملانها تضامنا مع اخوانهم المعتقليين والصحفيين فى برنامج القاهرة اليوم

اعتقد ان الامن بيراقب بعض المدونات المشهورة فقط ولا اعتقد ان يقدر يقفل التدويين عموما

 
At 6:33 AM, Blogger asad said...

في الواقع يا ألف , أنا في هذا المكان بشكل مؤقت , وبالتالي فلا علم لي بخصوص تاريخ هذه المسألة .

الموضوع للأسف بالنسبة لي ليس اختيارياً تماماً , فهذه الخدمة إجبارية عن طريق موزع خطوط انترنت المحلي , أعني أن أحدهم فاتح سايبر , وهذه وصلة من عنده .

لابد من تغييره إذا أردت اتصالاً بدون حجب .

ما أراه الآن هو أن المواقع الإباحية والجنسية محجوبة , مواقع البروكسيات , و مواقع تحميل الصور والملفات !

تخيل أن الصور المحملة على

imageshack.us

لا تظهر و هذاالموقع يستخدمه معظم المستخدمين والمدونين المصريين .


أيضاً " بلوجر " محجوب , لا أدري لماذا ؟

وإن كنت أرجح أن المنع بالفعل يأتي لأسباب سياسية ; نظراً لسوابق شركة

tedata

في هذا المجال , أذكر أن اتهامات وجهت لها بسرقة معلومات من حواسيب الداخلين إلى مواقع سياسية معينة .


بالفعل هناك إمكانية للمطالبة بحجب موقع , أو إتاحة آخر محجوب , وقد طلبت فتح بلوجر , و لا أتوقع استجابة على أي حال ; فالقوم لم يعطوا اعتبارا لجوجل نفسه !


http://familyinternet.tedata.net/block.htm


http://familyinternet.tedata.net/unblock.htm

 
At 1:14 AM, Blogger عمرو عزت said...

ممكن نعمل حملة لتوعية الحلاقين بمقاطعة آخر ساعة - اللي التحقيق فيها - علشان بتزدري المدونات
مش عارف الكوافيرات كمان بيجيبوا آخر ساعة بالكيلو و لا ليهم حاجات تانية مفضلة

المهم ان المجلات دي معمولها مكافحة شعبية
مش فاضل بس غير طايفة الحلاقين

و لو حجبوا المدونات
واحد زيي مدمن
هاجيب اسبراي و ادون علي حيطان الحواري في امبابة

علي فكرة هما- امن الدولة - بيحبوا المدونات مش العكس
مصدر للمعلومات و التصنت علي الناس و افكارهم
و التاثير مش كبير علي الناس العادية
لما يبقي فيه تاثير ضخم و تبدا المواجهة
اذا كانت هاتحصل
فيه وسائل كتير علشان نقدر نكمل

فليحيا التفاؤل

 
At 1:45 AM, Blogger littilemo said...

على رايهم

ما تقدرش

 
At 3:36 PM, Anonymous مختار العزيزي said...

مرة واحد صاحبي ظبطني وانا بافتح موقع - استغفر الله - بتاع الأهرام فقاللي: انت لسة بتوسخ ايدك بالجرايد دي؟ قلتله ضروري باردو الواحد يبقي مطلع علي صحف المعارضة ولا ايه؟

حلو اوي وصف هواة ده خصوصا انه طالع من مؤسسة عريقة في صحافة المحترفين. شكرا علي هذه التدوينة يا دكتورة

 
At 1:44 PM, Blogger Mr.GEMYHOoOD said...

بصوا يا جماعة

لو هاننظر للموضوع من وجهة نظر اننا مش مدونين هانلاقى الحل بسيط جدا

فى السعودية تم حجب نظام البلوجر بالكامل

المنظور المعلوماتى للموضوع هو كالتالى

مصر فيها شركات انترنت تكاد تكون محتكرة الدى اس ال منها لينك دوت نيت و تى داتا و ستار نت و ايجيبت نت
و راية

كل دول بخطاب بسيط جدا هايحجبوا المدونات و نخبط دماغنا كلنا فى الحيط الموضوع اتفه من انهم حتى يفكروا فيه لو عايزين يحجبوه ما فيش اسهل من انهم يدخلوا كنترول بانل و يحجبوا البلوجر كله و البلوج سبيرت و كل انواع البلوجر و لما يحجبوا الشركات الداعمة للمدونات المدونات المنبثقة منها هاتتقبل بالتبعيه و اى يوزر انترنت يدخل الصفحة مش هايبان ليه انها محجوبة هايبانله ببساطة ان مافيش الصفحة دى يعنى الحل بالنسبالهم بسيط جدا

طيب ليه ما عملوش كدة

-----------

لما اتناقشت مع والدى فى الموضوع دة كتبنا كدة شويه حاجات هانقلكوا منها شويه

- الابقاء عليها من الممكن ان يكون بسبب ضغوط خارجية لانه بحجبها هاتكون خلاص قتل لاى حرية ممكن تتوجد فى مصر

- ممكن يكونوا سايبنها لدعم استمرارية وجود حراك سياسى فى مصر لان يا جماعة الكلب مش هايبقى ليه لزمة لو مالقاش القط اللى يطارده و يعبث معاه يعنى احنا اللى بنلمع الطغاة بثورتنا عليهم و كل طاغية مالوش اى لزمة من غير ثوار يلمعوه بثورتهم و بما اننا فى نظرهم ضعاف و حبة شباب خايب قاعد على الانترنت يبقى كل اللى هانعمله اننا هانلمع النظام و يتقال فى الاخر ان فى ديمقراطيه و حرية رأى فى مصر بدليل كمية الشباب اللى بتكتب على الانترنت

- المدونات زى ما قال عمرو فعلا بقت مصدر لتتبع النشاط ا لسياسى فى مصر و بما ان اصلا دة نظام نايم على روحه و احنا بلد بتعرف الموضوع بعد الهنا بسنة احنا وفرنالهم الوسيلة السريعة لمعرفة اى نشاط سياسى فى البلد و بكدة المفروض المدونين يطلع ليهم راتب ثابت كرواتب المخبرين و المرشدين :@

- ممكن يكونوا سايبنها غرور و خيلاء و انهم شايفين اننا اضعف من اننا نغير اى حاجة

- البلوجر مدعوم بواسطة جوجل و الىل بتعتبره جوجل الاب البار ليها و صعب قوى انه يتحجب لان كل الشركات دى مرتبطة بمصالح مع جوجل الىل اصبح الفرخة اللى بتبيض دهب لكل المواقع


و من الاخر حتى ac

 

Post a Comment

<< Home