30.5.06

حياة بلا خيارات

هي شابة جميلة , ممرضة , تعمل معي
مكتئبة , و بتشتغل من غير نفس

انا: مالك؟؟
هي: اصلي خلاص سبت خطيبي , بس انا مش معرفة حد في المستشفى عشان ماحدش يقول عني حاجة
انا : طيب ايه المشكلة , ربنا يرزقك بانسان تاني مناسب
هي : انت ناسية يا دكتورة , دا كان كتب كتاب
انا: و ايه يعني , بس انت ليه استعجلتي في كتب الكتاب؟؟
هي بدهشة : هو انا اللي استعجلت؟؟ ابويا قال ماينفعش نعمل خطوبة , عشان انا مطلقة و دا يأثر على سمعتي , ماحدش سألني
زي بالظبط الجوازة الأولانية , , ابويا ماخدش رأيي في الجوازة , و بردو اتطلقت و رجعت من غير ما حد ياخد رأيي
و دلوقتي ابويا بيقول لي , اسيب الشغل عشان ماخرجش من البيت كل يوم و انا مطلقة , و كمان بيقول الشغلانة دي مش حلوة , طيب هو انا كان حد خد رأيي لما دخلوني مدرسة التمريض , و لا كنت دخلتها بمزاجي؟؟؟

14 Comments:

At 2:27 PM, Blogger dr_shadow said...

شوفى يا دكتوره بلو ... انا أكره أكتر ما أكره سلب الإراده ..الممرضه دى إرادتها إتسلبت زمان غصب عنها لما دخلوها مدرسة التمريض من غير ما يخدوا رأيها وهى اللى دفعت التمن .. واتسلبت تانى لما جوزوها من غير ما ياخدوا رأيها وهى تانى اللى دفعت التمن .. وتالت لما خطبوها لواحد وكتبوا كتابه عليها من غير ما تقول رأيها وللمرة التالته هى اللى دفعت التمن .. مش كفاية كده ؟؟؟ هى ما اكتفتش ذل ومهانة وحزن بقى ؟؟ لو الغلطه فى المره الأولى كانت عند أهلها فهى فى التانية والتالته عندها .. لأنها سمحت لحد تانى إنه ياخدلها أهم قرار فى حياتها ..اللوم فى الحياه اللى بلا خيارات دى موجه فى الأول ليها وبعد كده أهلها . هى مش عايزه فلان تقول مش عايزاه .. مهما حصل مش عايزاه وساعتها حتى لو ضغطوا عليها مش هيقدروا يقتلوا إرادتها طالما هى مصره إنها يكون لها رأى وإراده .
دلوقتى هى ما عدتش صغيره .. كون إنها تسمح لحد إنه يفرض رأيه عليها فى موضوع يتعلق أولا وأخيراً بيها فدى غلطتها .

 
At 2:28 PM, Blogger bluestone said...

طبعا مسألة مؤلمة جدا .. الا يملك الانسان ابسط حقوقه وهي ان يختار اي شيء ..
مسكينة تلك الفتاة .. فحينما يشعر المرء ان حياته باكملها لا يملك فيها شيئا يشعر بانعدام قيمته ..
المشكلة ان هناك كثير من العوامل تجتمع على الانسان لتسلبه ابسط حقوقه وهي حق الاختيار .. عوامل كثيرها منها المجتمع الذي يفرض على الانسان اتجاهات معينة لجنسه او لونه او دينه ..
الفقر
العادات والتقاليد البالية
النظم الفاسدة

فيشعر الانسان انه مكبل بقيود شفافة تقتله ببطئ فيستسلم تماما لما يعتقد انه قدره في الحياة

 
At 3:42 PM, Blogger Lasto-adri *Blue* said...

مم.. بس الفكرة انها مش لوحدها...
بنات كتير زيها

حتى اقول لك بصراحة.. اهوه انا واحدة متعلمة وفى كلية قمة الحمد لله.. بس ساعات كتييير حاجات مش بقدر اعملها مع انها لا مهينة ولا مشينة ولا فيها شئ يغالط التقليد ولا المجتمع ولا حتى الدين...... بس تقولى ايه.... بيقولك هو كدة.. البنت لازم تبقى كدة

معرفش اقول ايه غير بس.... ان الله مع الصابرين

 
At 6:01 PM, Blogger عمرو عزت said...

عليها أن تبدأ من الآن في الاختيار
و ليساعدها من حولها
معركة عنيفة نعم
و لكن ضرورية

 
At 7:15 PM, Anonymous bigera said...

السلام عليكم ...

(( نحن نري ما لا تراه ... احنا شايفيين مصلحتك ))

كتييير جدااا هذه المشاكل الان وهى سلب الارادة من الاخريين ... ابناء كتير دخليين كليات عشان ابائهم ضغطوا عليهم فى ذلك .... وكذلك فى مسائل الخطوبة والجواز... هناك تقاليد غبية فى مجتمعنا فلو اخذنا انها مطلقة وتم فسخ خطوبتها مرة اخرى فاذن سوف يقول الناس ان العيب فيها ويتحدثون عنها ... فى حيين ممكن يكون العيب فى اشياء اخرى مش فيها

ولكن هذه حياتها فان لم تدافع عنها فمن حيدافع عنها !!!!!!!!!!!!!

هكذا نعيش نحن جميعا الان

 
At 1:08 AM, Blogger محمود بن حافظ said...

حق لا خلاف عليه
خيار المرأة في تزويجها
وتعليمها ..

 
At 1:21 AM, Blogger bluerose said...

د/شادو و عمرو عزت
هي فعلا مش صغيرة , لكن اعتقد انه على مدار السنوات تم تدمير اي قدرة لها على المقاومة
العائلة و المجتمع كله (اللي هي مرعوبة هايقول عليها ايه عشان مطلقة مرتين) تحالفوا سنوات عشان يوصلوا بيها لمرحلة عدم القدرة على الرفض

اتمنى مثلكما ان تختار , و ان كان ما أراه انها حتى في عملها لا تحاول الاختيار , تجبر على المكان او المواعيد , ثم تكتفي بندب حظها


بلو ستون
اتفق تماما مع اخر سطر ,مع الوقت يقفد الإنسان اي رغبة في المقاومة و يقنع نفسه ان هذا مصيره

بلو
بنات كتير زيها؟؟ انا يوم الموقف دا رجعت باحكي لماما و اقول لها : شفت نموذج لحياة البنت المصرية , اجتماعيا , كل ما حكته هو الطبيعي جدا

بايحيرا
نفس ردي على شادو و عمرو
و اتفق معك ان مجتمعنا كله يعيش تحت السلطة الأبوية

 
At 3:05 AM, Blogger محمود بن حافظ said...

This comment has been removed by a blog administrator.

 
At 1:53 PM, Anonymous سحابة said...

لازم تتمرد عشان تعرف تعيش
عشان يكون ليها قيمة وكرامة علأقل قدام نفسها بعد كدة
والراجل عمره ميحترم وحدة مسلوبة الإرادة
لأنه محتاج وحدة تسنده مش متعرفش تاخد أي قرار في حياتها

إمتى الأهالي يبطلوا ظلم بئى؟؟

 
At 7:35 PM, Anonymous Anonymous said...

best regards, nice info » »

 
At 5:05 PM, Anonymous Anonymous said...

best regards, nice info http://www.piranhapaintballgun.info/Diet-diet-online-pill-prescription.html divorce pour faute Sunfire projector lights buick regal t type parts server side includes web hosting http://www.infinitilicenseplatecover.info/Ice-making-machine-nigeria.html Honda fran t-shirt Ballylickey manor hotel Tina small large breasts http://www.immersion-heaters-7.info/1948-buick-car-parts.html Longacre car cover celebrex medication latest report ice cream machine rental in cleveland ohio

 
At 9:14 PM, Anonymous Anonymous said...

Looking for information and found it at this great site... » »

 
At 4:36 AM, Anonymous Anonymous said...

Keep up the good work »

 
At 2:04 AM, Anonymous Anonymous said...

Where did you find it? Interesting read » »

 

Post a Comment

<< Home