18.5.06

براءة مكي و توجيه اللوم للبسطويسي

الاخبار كما عرفتها من محمود في موقع الاحداث

تم منع المعتصمين في نقابتي المحامين و الصحفيين من الخروج

تشكيلات الأمن المركزي احاطت بالمحكمة و منعت التظاهر تماما
عدد من الافراد "بملابس مدنية" كانوا ينزلون من سيارات الامن المركزي ليقوموا باختطاف عدد من المتظاهرين , و تم تعبئة حوالي 7 سيارات امن مركزي بالمتظاهرين

تم الاعتداء على عدد من نواب مجلس الشعب (اخوان) كانوا خارج المحكمة , و هم الآن موجودين خارج نادي القضاة تأييدا للقضاة

14 Comments:

At 9:35 AM, Blogger bluestone said...

حكم غريب جدا .. براءة واحد وتوجيه اللوم للتاني .. ؟؟ وايه الفرق بينهم .. ؟؟
حكم غريب .. اكيد وراه حاجة ..
منتدى دافوس ليه تأثير برضه والدنيا مش ناقصة قلق ..
صديق قاللي من يومين اللي بيحصل ده حاجة غريبة جدا .. انا حاسس فعلا ان فيه تغيير في البلد .. لان الريس لا يحكم فعليا لانه عمره ما كان صدامي بالطريقة دي ... ولا متردد بالشكل ده كمان ....

 
At 5:11 PM, Blogger ayman_elgendy said...

براءة وتوجيه لوم...هيا ايه الحكاية؟؟

 
At 6:40 PM, Blogger الافغانى said...

غلي فكرة الموضوع فرق تسد والدليل نادي القاضي فكوا الاعتصام

 
At 7:53 PM, Blogger bluerose said...

بلو ستون : انا اتفق مع صديقك , فيه فعلا حاجة غريبة في البلد , اعتقد انه مش بس تأثير منتدى دافوس , ربما كذلك بسبب حكم ايمن نور و الوضع مش ناقص


ايمن: الحكاية بالفل مش مفهومة



افغاني: فض القضاة لاعتصامهم كان صدمة بالنسبة لي
اللي عرفته ان اغلبهم غير راضين عن الحكم , فمش فاهمة فضوا اعتصامهم ليه , و كان عندي امل حتى انهم يطلبوا الافراج عن المعتقلين من المتضامنين معهم

 
At 10:09 PM, Anonymous Yahya_Ayash said...

طب والمستقلين وغير المستقلين من المتضامنين مع القضاة، هل تركوا في مواجهة الحكومة لوحدهم؟!

موقف سيء للغاية!! مرة تانية ينفخوا في القضاة ويرجع للقضاة إحساسهم انهم هم كوم وباقي الشعب كوم تاني!! انهم طبقة والشعب كله طبقة تانية!

القضية كانت قضية القضاة، والقضاة يحلوها سوا، وأي حد مش قاضي يغور!

أظن انه حان الوقت لأننا ننزل الشعارات بتاعت القضاة على كده ونشوف حاجه تانية؟

 
At 11:10 PM, Blogger bluerose said...

عياش
هو انا لسة رايي اننا لازم نطالب باستقلال قضائي , لانه حقنا مش حق القضاة

لكن بردو كان نفسي يكون فيه من القضاة اي تعبير عن التضامن مع "المتضامنين" معهم و صدمت لما فضوا اعتصامهم بمجرد انتهاء المشكلة دون حتى كلمة عن المعتقلين من المتضامنين معهم

 
At 5:27 AM, Blogger عمرو عزت said...

تصريحات القضاة كانت واضحة و خصوصا البسطويسي بالمطالبة بالافراج عن المعتقلين

الاعتصام لفترة طويلة و مفتوحة و دون توقع نتيجة ما يهدر فاعلية هذه الوسيلة

هم فضوا اعتصامهم لان هناك تهدئة حدثت من الطرف الاخر
كان متوقعا عزل القاضيين
و من الافضل ان تبدي بعض المرونة من طرفك لتثبت ان مقابل بعض المكاسب تبدي تراجعا
لتحصل غدا علي غيرها و هكذا
التصلب يعني احتجاجا عبثيا فارغا ينتهي بفشل
ربما يصلح في واقع اخر مؤهل كي يفضي لثورة

معركة محاكمة القاضيين انتهت جزئيا
و يبقي محاولات البسطويسي لمراجعة هذا الحكم
و هذه قضية تاخذ وقت طويل و لا تصلح لمعركة اعلامية للضغط علي النظام


القضاة يتحركون بذكاء
و لم يتخلوا بعد عن مطالبهم
و هناك وقفة يوم 25 معلن عنها
تتعلق بالمطلب الرئيسي
الاستقلال
و هم تقدموا خطوة ثورية بدعوة كل المصريين لمشاركتهم هذه الوقفة

و تبقي النقطة الجوهرية التي اشارت اليها بلو روز
نحن نطالب باستقلال القضاء لانه حقنا اولا قبل ان يكون مطلبا للقضاة

 
At 2:05 PM, Anonymous Yahya_Ayash said...

الفكرة الآن أننا لم نعد قادرين حتى على الإدعاء بأن ثم ضغوط على القضاة!!

لم نعد قادرين على المطالبة بما يقول القضاة بأنه موجود بالفعل!!

بالمناسبة، ما معنى استقلال السلطة القضائية إذا كانت السلطة التشريعية مزيفة؟
هناك قضاة أخبروا بعمليات تزوير أو انتهاكات قانونية أخرى حدثت في الانتخابات، لماذا لا تكون هذه البلاغات هي محور المعركة؟
لماذا لا تكون القضية هي قضية تزوير الانتخابات؟

 
At 4:04 PM, Blogger Me2 said...

الموضوع كله واضح و باين إن المسألة كلها الهدف منها قرصة ودن

الحقيقة إنهم ميقدروش يعملوا أكتر من اللي عملوه

أما بالنسبة للمتظاهرين فرأيي مش هيعجبكوا.. أنا لا أويد المظاهرات و خصوصا الأيام دي مهما كان الهدف

لأن حاليا فيه ناس عايزة تصطادنا في الميه العكرة والمظاهرات بتديهم أكبر فرصة

ربنا يستر على بلدنا و خصوصا إن معظم و مش هاقول كل.. المتظاهرين بكل صراحة بيقلدوا تقليد أعمي وأقلية قليلة جدا اللي فاهمة الأسباب و معنى تظاهر... وعلشان كده الدنيا بتتلخبط فوق الكل.. منقدرش ننكر إن عدد كبير من الناس فاهمين إن أخد الحق يكون بالدراع ومعتبرين المظاهرات طريقة مناسبة لكده.

 
At 4:49 PM, Blogger ayman_elgendy said...

انا مع الاخ عياش القضية الاهم هي قضية بلاغات التزوير في الانتخابات

 
At 3:42 AM, Blogger عمرو عزت said...

هي القضية دي - التزوير - كانت محور الحملة الموزاية للتحقيق مع القاضيين
لانهم متهمين باهانة قضاة متورطين في التزوير

بس الحملة كانت اعلامية
و ما لهاش افق اكثر من ان التحقيق شغال في نادي القضاة و القاضي اللي هايثبت تورطه هاتتجمد عضويته

بس
و بعدين مجلس الشعب بيقول انه سيد قراره و لا يلغي عضوية اي عضو نتيجة لحكم قضائي

و مجلش الشعب ده كان في انتخاباته تزوير

هي دائرة مقفولة

بس استقلال القضاء هايحاول يكسر الدائرة دي
لان القضاة اللي ساهموا في التزوير تم ترهيبهم او ترغيبهم
استقلال القضاء ها يحد من ده

دي كلها معارك جزئية
و مكاسبها جزئية
و لازم نعترف بكده

المشكلة الكبيرة معقدة
جزء منها سلطة مستبدة
و جزء كبير منها برضه شعب معظمه مدمر نفسيا و عقليا
و مغيب سياسيا

الشعب نفسه معظمه فيه مرض التسلط
شوف مشاعر الناس ناحية البهائيين و قضيتهم
و في الناحية التانية ميراث طويل من الخنوع و الاستكانة

في رايي اللي بيعملوه القضاة شيء عظيم
و مش لازم نطالبهم يحلوا المشكلة كلها
خلينا نساندهم و نتعلم منهم
و ندافع كلنا كل واحد عن نقابته و اتحاد كليته
و دايرته الانتخابية

me2
المظاهرات بس مش هي الحل فعلا
بس هي وسيلة للعمل السياسي مش اكثر و ليها ابعاد تانية
رايي بالتفصيل هنا
http://mabadali.blogspot.com/2006/05/blog-post_12.html

 
At 5:16 PM, Anonymous Yahya_Ayash said...

صحيح انت لفت انتباهي لنقطة مهمة ياعمرو..مجلس الشعب يمارس صلاحياته كما لو كان منتخبا ولا تسري عليه أحكام القضاء!!
حتى لو كان الحكم بأنه مزور!
وأكتر من كده مجلس الشعب ممكن يشطب على دايرة كاملة ويسقط من حساباته كل أهل الدايرة ويتجاهلهم تماما ولا كأنهم ولاد البطة السودا، ويرمي واحد من أعضاؤه "ووراه طبعا كل أهل دايرته" بره المجلس!!
موقف زي ده نتعامل معاه ازاي؟!

 
At 7:11 PM, Blogger Yasser_best said...

كأنها مسرحية هزلية.. لكن بطل المسرحية ثقيل الظل.. ويصر على أن تكون الأدوار موزعة على العائلة

منهج يقترب كثيراً من أسلوب المافيا.. عصابات عائلية تحكم وتسيطر.. وتخرس كل الأصوات المعارضة بأسلوب القمع والتهديد.. والتصفية إن لزم الأمر

لم نرك منذ زمن.. زورونا تجدوا ما يسركم:))

 
At 4:04 AM, Anonymous Anonymous said...

Wonderful and informative web site. I used information from that site its great. » »

 

Post a Comment

<< Home