25.5.06

موديل سنة كام؟؟؟

كتب مختار تدوينة عن ان المرأة تصنع نصف صورتها , و قال "ان المرأة تساهم بصورة كبيرة في ترسيخ مفهوم انها جسد يقوم بالاغراء ليتلقي المال من الاعلانات والتصفيق في السينما
وهناك أيضا ترويج لفكرة أنها جسد سلبي يتم تملك بضعها بموجب عقد الزواج"


و الواقع ان تدوينته فكرتني بصورة كانت تأتي في خيالي عن زيجات كثيرة رأيتها انها اقرب الى "شراء سيارة" منها الى علاقة انسانية

بالصدفة سمعت حوارا كان يتحدث فيه شخص عن شخصية تعرف عليها "و هو بيدور على عروسة!!!" ثم وجدها غير مناسبة فقط لانها تماثله في السن , ثم حكى عن اخرى رفضته فقط لأنه لا يملك ثمن الشبكة التي تريدها و المهر الذي تطلبه

كنت فعلا من قبل اقصر نظرة "السيارة" على التفكير الذكوري , فهو من يحدد ان المعايير كلها تدور حول مواصفات السيارة , موديل سنة كام , شكلها , جديدة ام مستخدمة من قبل (اعتذر مقدما عن الكلمة لكنه نفس المفهوم) ,اذا كانت عاملة حادثة قبل كدا او بها عيب صناعة , ووووو , بالظبط عربية

لكن مع التفكير وجدت انه كما قال مختار المرأة تسهم فعلا في هذه النظرة

المرأةهي من تحدد انها يجب ان تنتظر "الجاهز" (تفضل في المعرض لغاية ما ييجي العميل الجاهز عشان هي ماتبذلش اي مجهود) او "اللي يقدرها" (اللي معاه ثمنها كاش مش تقسيط)


المرأة هي من تحدد ان قيمتها من قيمة شبكتها و مهرها (ما يدفع فيها) و انها ليست اقل من السيارة الفلانية ليدفع فيها اقل

و هي تحدد قيمة المدفوع من خلال مواصفات السيارة, و ما سبق دفعه في سيارات تحمل نفس المواصفات

ثقافة عربية

كنت ناوية اكتب كلمات من قبيل كثيرا و غالبا ووووو عشان ماحدش يتهمني بالتعميم , عموما كلامي ليس عن الجميع

2 Comments:

At 1:39 PM, Anonymous مختار العزيزي said...

موضوعك فيه أكثر من نقطة وسأختار موضوع تماثل السن والخرافة المبنية علي عدم جواز الجواز في هذه الحالة. البنت التانية اللي اتقدمتلها قالت لي في اول لقاء
"بس انت مش شايف انها غريبة انك تتقدملي واحنا أد بعض" بعد ما فقت من الصدمة قلتلها انا أكبر منك بكام شهر فقالت مش فارقة كتير اصلها نادرة قوي... المهم بعد 4 ايام اختلفنا علي حاجة اساسية بس مالهاش دعوة بالفلوس طبعا والشبكة وكده. المهم قالتلي مش قلتلك ان قرب سننا من بعض هايعمل مشاكل أصل التفكير بيفرق. وطبعا دي كانت جملة من ضمن جمل تانية كتير تودي في داهية وطبعا سبنا بعض قبل أن نكمل ستة ايام . واكتشفت بعد كده ان - قال ايه - الراجل لازم لازم لازم يكون اكبر من الست عشان الست بتكون أنضج من الراجل وكمان عشان ممارسة الجنس عشان الست بتعجز بدري. طبعا جاتلي سكتة قلبية لما عرفت ان في ناس كتير بتفكر كده. أشكرك علي طولة بالك

 
At 1:42 AM, Blogger littilemo said...

العادى بيبقى عادى مع تكراره مش مع صحته

 

Post a Comment

<< Home