مش اهمال و لا جهل
"انا اصلي يا دكتورة باتعالج من فيروس سي من السبعينات , كنا بندي حقن علاج البهارسيا و الناس وقفة طوابير , و السرنجات كانت ازاز و ماكناش من الزحمة بنلحق نغليها , مرة كنت محتاجة حقنة مسكن , اخدت سرنجة بعد ما اديت واحد العلاج , و اخدت المسكن و كملت بيها علاج الباقيين !!!!"عقلي الباطن : طمنتيني , انا كنت فاكرة الموضوع انتشر اهمال , طلع غباء
احيانا بيتحرق دمي لما اشوف انسان عارف الصح و بمنتهى الغباء بيتجاهله
هي ليست مهملة لأنها لم تكن لتهمل نفسها , و ليست جاهلة , لأنها عارفة ان هناك تعقيم (وقتها بالغلي لمدة 10 دقائق) و وسيلة التعقيم رخيصة و متاحة و لكنها ببساطة لا تستخدمها
مش لاقية وصف غير الغباء
غباء في حق نفسها و جريمة في حق كل من لجأ لها و استأمنها على علاجه
posted by bluerose @ 9:50 AM
8 Comments:
أفتكر زمان مكانش فيه أصلا حقن بلاستيك والدكاترة كانوا بيتشكوا في ايديهم ويعوصوا في الدم بصوابعهم من غير حرص جامد على الجلوفز زي دلوقتي. وكان الدم مش بيتفحص عشان فيروسات الكبد ولا الايدز لانهم مكانوش اكتشفوهم لسة.
يعني لا جهل ولا غباء ولا اهمال.
زي ما نكتشف بعد عشر سنين ان طريقة طبية كانت غلط.
ايه توصيف ده، مش عارف!
we treated an endemic disease with an epidemic.
الحالة دى بيتهيألى أنسب وصف ليها ( إستسهال ) ... هى قالت ربنا هو الستار واستخدمت السرنجة .. طبعاً ربنا ستار بس مش معنى كده إننا مانخدش بالإسباب .. الحالة دى يا د.بلو منتشرة جداً فى الكجتمع عندنا .. حالة الإستسهال . كتير الاقى بياع الفاكهة جارنا يمد ايده فى القفص ويطلع تفاحة يديها لأبنه الصغير (سنتين تقريباً)والتفاحة ابقى شايف انها مش نضيفة من على بعد 15 متر ... يعنى هو مش عارف إن المفروض تتغسل قبل ما ياكلها الطفل ده ؟؟؟؟ طبعاً عارف بس بيقول ربنا الستار .. هو إدالة تفاحة قبلها كلها ماحصلش حاجة ( محصلشحاجه ظاهرة له ... الله اعلم ايه اللى حصل فى الولد من جوا ) قال خلاص مفيش مشاكل إننا نعمل كده على طول
فيه حالة تواكل فظيعه فى الشعب المصرى والعربى كله على الله عز وجل . وده غلط ... ربنا عز وجل قال للسيده مريم ( وهزى إليك بجزع النخلة تساقط عليكِ رطباً جنيا ) ... إذا كانت السيده مريم بنفسها خدت بالأسباب علشان ربنا يرزقها .... مش الواجب علينا إننا ناخد بالأسباب علشان حياتنا كلها تستقيم ؟؟؟؟؟
ربنا يشفى الجميع
والمشكلة يا دكتورة : كيف تم إطلاق أمثال هذه السيدة الفاضلة علينا؟
انونيموس : الغباء ان واحد يكون عارف الإجراء الصح و يتجاهله حتى مع نفسه , و الجريمة لما يتجاهله مع غيره
دي تفرق عن واحد ما اخدش احتياطات لأنه لسة ماكتشفهاش أصلا
بمناسبة كلامك , واحد حكى لي انه شاف في الصعيد دكتور في العقد السادس بيشتغل في الحوادث من غير جوانتي (مستشفى حكومي في أقصى الصعيد)و لما سأله : مش خايف على نفسك
رد : خسارة الجوانتي , أنا أصلا عندي Hepatitis B ,C هاخاف من ايه تاني
السؤال اللي ماتسألش : هو الجوانتي عشان حماية الدكتور بس؟؟ خسارة لما يبقى حماية للعيان؟؟؟؟؟؟
د/شادو
مرة سمعت ان مشكلة العامل المصري مهما كانت مهارته : عدم اقتناعه بالإتقان
ممكن تكون ثقافة استسهال زي ما بتقول
بس تفتكر لو كان فيه احتمال انها تواجه مساءلة كانت استسهلت؟؟؟
دائما باقول : مصالح الناس و حياتها لا تترك للضمائر , تنظم بقوانين و عقوبات
قلم جاف
أطلقتها عوامل كتير قوي
منها عدم وجود قوانين و ضوابط تحمي المريض و تنظم علاقته بفريق الرعاية الطبية
و منها الجهل , و نظام تعليم مهترئ
و منها نظرة اجتماعية شديدة الغرابة لوظيفتها (ربما تحسنت قليلا الآن لكن اكيد في السبعينيات كانت اسوأ) رغم اعتراف المجتمع كله باحتياجه اليها
و منها زي ما قال شادو , ثقافة استسهال اصابت المجتمع كله
وووووووو
عوامل كتير جدا
طب يا دكتور بلوروز
دلوقتي احنا الدكاترة عارفين الكلام ده وبنلبس جاونتي مع كل عيان في سحب وخلافه
ونطعم ضد الالتهاب الكبدي ب
لانه الوحيد المتوفر
لكن لسه الرعب موجود اننا نتشك من أي عيان مصاب ودي للأسف حصلت مع ناس مننا كتير
ياللا ربنا يستر
Enjoyed a lot! »
Post a Comment
<< Home