28.4.06

منير




في المرات التي ربما تجاوزت الالف التي تحدثت فيها عن المعتقلين..
هذه هي المرة الاولى التي يكون فيها المعتقل من اصدقائي المقربين
اذهلني ان الامر اختلف تماما حين تحول المعتقلين من اسماء كنت اظن انني متعاطفة جدا معهم الى صديق من لحم و دم

لقيت بجد ماعنديش حاجة اقولها

بعد يومين لم اعرف فيهما شيئا عن منير (او مالك ) اتساءل عن احساس امهات و آباء و اخوة و اصدقاء معتقلين لا يعرفون عنهم شيئا ربما لسنوات

بجد يا منير مش لاقية حاجة اكتبها عنك و الاسوأ اني مش عارفة اعمل ايه عشانك

صديقي العزيز , اعتقالك كشف لي انك فعلا تعني لي الكثير , يمكن لما قلت عني اني اختك الكبيرة كنت بتهزر , بس بجد دلوقتي اكتشفت ان اخويا الصغير بكل جنانه و طيبته هو المعتقل
طلعت غالي عندي بجد يا منير

مش عارفة اقول اي يا منير , و حاسة اني سلبية جدا



لما تخرج يا منير ان شاء الله و تقرا التدوينة , سامحني لاني ماعملتلكش حاجة اكثر من دعاءي و البانر , بجد كان نفسي اعمل لك حاجة

12 Comments:

At 1:33 PM, Blogger bluestone said...

القلوب عند بعضها يا دكتورة ..
جه في دماغي حاجات كتير جدا ..
كلها مرعبة جدا ومش عايزة افكر في اي احتمالات من الاحتمالات المتوقعة ..

انا عرفت انهم اتوجهت لهم تهمة سب الرئيس والتجمهر اكثر من 5 أشخاص علشان مفيش بلدية بقى المرة دي ..

حاجة تحزن ..
صحيح ان لم تستح فافعل ما شئت

 
At 4:50 PM, Blogger radwa osama said...

انا كمان ما كنتش اعرف ان الواد الاسكندراني المجنون ده غالي عندي قوي كده

 
At 1:52 AM, Anonymous Yahya_Ayash said...

طب وانا أقول إيه؟
صاحبي الأنتيخ معتقل؟!

أنا كل اللي مريحني إحساسي انه خارج بسرعة، مظنش هيطول، وعموما هي مش أول مرة ليه:)

وانا عارف انه أقوى من كده، لكن ربنا يكون معاه!

 
At 4:06 PM, Anonymous محمد حبيب said...

:(( ..

طيب.. وبعدين؟
اول مرة اتحط في الموقف ده بجد.. مالك بالذات له معزة خاصة.. بس مش عارف ايه اللي المفروض يتعمل؟ حكالي مرة عن اللي عملوه لما اعتقلوا اللي اسمه كريم قاللي انهم كلموا منظمات حقوق الإنسان وغيرها..

بس مش عارف انا المفروض اعمل ايه..

lenin...منير...مالك

بحبك!.. مفتقدك بجد.. وإن كان الكلام هنا مجرد تعبير عن عجز...!

 
At 5:51 PM, Blogger عمرو عزت said...

للتبرع أو التطوع لمساعدة لجنة إعاشة المعتقلين من المتضامنين مع القضاة
م . عادل واسيلي 0101013621
مركز هشام مبارك 5758908
يمكن أن ترسل التبرعات لمركز هشام مبارك للقانون 1 ش التوفيقية بالقرب من تقاطع ش طلعت حرب و 26 يوليو وسط القاهرة - الدور الرابع
الزيارة القادمة للمعتقلين الثلاثاء القادم 2 مايو يرجي ارسال التبرعات او اي اغراض مرسلة للمعتقلين قبل هذا الموعد


http://mabadali.blogspot.com/2006/04/blog-post_28.html

 
At 5:52 PM, Blogger عمرو عزت said...

للتبرع أو التطوع لمساعدة لجنة إعاشة المعتقلين من المتضامنين مع القضاة
م . عادل واسيلي 0101013621
مركز هشام مبارك 5758908
يمكن أن ترسل التبرعات لمركز هشام مبارك للقانون 1 ش التوفيقية بالقرب من تقاطع ش طلعت حرب و 26 يوليو وسط القاهرة - الدور الرابع
الزيارة القادمة للمعتقلين الثلاثاء القادم 2 مايو يرجي ارسال التبرعات او اي اغراض مرسلة للمعتقلين قبل هذا الموعد


http://mabadali.blogspot.com/2006/04/blog-post_28.html

 
At 5:52 PM, Blogger عمرو عزت said...

للتبرع أو التطوع لمساعدة لجنة إعاشة المعتقلين من المتضامنين مع القضاة
م . عادل واسيلي 0101013621
مركز هشام مبارك 5758908
يمكن أن ترسل التبرعات لمركز هشام مبارك للقانون 1 ش التوفيقية بالقرب من تقاطع ش طلعت حرب و 26 يوليو وسط القاهرة - الدور الرابع
الزيارة القادمة للمعتقلين الثلاثاء القادم 2 مايو يرجي ارسال التبرعات او اي اغراض مرسلة للمعتقلين قبل هذا الموعد


http://mabadali.blogspot.com/2006/04/blog-post_28.html

 
At 5:53 PM, Blogger عمرو عزت said...

آسف حصل خطا ما التعليق ارسل اكثر من مرة

 
At 7:32 PM, Anonymous Anonymous said...

يحيى
بصراحة أنا كنت زيك معتقد انهم هيقعدوا كام يوم ويخرجوا
بس فيه مؤشرات بدأت تظهر
مسكوا النهاردة قيادين من الغد
وظهرت قائمة بأسماء ناس مطلوب القبض عليها بنفس التهم الموجهة لمالك ورفاقه
الموضوع شكله مش هيعدي بسرعة
ربنا يستر

 
At 8:11 PM, Blogger الافغانى said...

علي فكرة يابلو شي صعب انك تلاقي صد
يق اتخطف من جنبك معقولة 30 معتصم يواجهوا اكتر اكتر من 500 عسكري انا عامل شاهدة ياريت تقرايها
شاهد عيان علي اعتصام الاربعاء
http://orwa.blogspot.com/2006/04/blog-post_27.html

 
At 6:00 PM, Anonymous محمد حبيب said...

http://besara7a.tadwen.com/wp-content/malek.gif

http://besara7a.tadwen.com/wp-content/malek2.gif

 
At 3:51 AM, Blogger ibn_abdel_aziz said...

الواد الاسكندراني المجنون
:)

انعم به جنون
والله اني لاحبه حبا لا يعرفه الا هو

ربنا يكرمه
بحق الله لو حد عرف يوصله قولوله شريف مش ناسيك

 

Post a Comment

<< Home