فوبيا الطيور...3
بعد 3 ايام من الاعلان عن وجود عدوى انفلونزا الطيور بين الدواجن في مصر ,
فوجئت بنصائح بعدم الشرب من الحنفية لان مياهها بها سم قاتل (قديمة) ,
يابنتي اصل مياه النيل ملوثة (مانا عارفة ,من زمان),
دا الناس رموا الطيور النافقة في النيل (و ايه الجديد , ما النيل طول عمره هو المثوى الاخير لكل ما ينفق)
ايوة بس الطيور دي محتمل تكون مصابة بانفلونزا الطيور (طيب و ايه يعني؟؟؟)
ممكن الفيروس يتنقل من مياه الحنفية (دي جديدة) فيروس ايه اللي يتنقل من المياه؟؟؟بقى فيروس ضعيف و غلبان زي دا يقدر يفضل في الميه و يعدي على محطات التنقية "على فرض وجودها" و يكمل في المواسير لغاية ما يعدي انسان؟؟؟؟
مين العبقري اللي فكر في الفيلم دا؟؟؟؟؟؟؟؟
الظريف بقى ان كل ما تقول الكلام دا مش منطقي يكون الرد سمعناها في التليفزيون ,طيب فرضنا , من امتى اصلا بنصدق ما يقال في التليفزيون , دا كدا انا تاكدت انها اشاعة
الاجمل هو رد فعل الناس من بداية الازمة
زي ما يكونوا كانوا عايشين في بيئة معقمة و صدموا باحتمال وجود تلوث في المياه , او وجود فيروس في الفراخ
ياناس ما اكلنا اصلا مليء بما هو اسوا من كل هذا
مية الحنفية فيها ما تبدو بجواره انفلونزا الطيور مضاد حيوي
و الجميل ان الهجوم المفاجيء على شراء زجاجات المياه المعدنية لم يسبب اي عجز فيها , و كأن شركات المياه المعدنية كانت متوقعة الطلب الزائد عليها و غطت احتياجات تجار التجزئة منه مقدما
بلد اشاعات صحيح
posted by bluerose @ 7:35 PM
6 Comments:
صدق من اطلق علي العرب (ظاهرة كلامية)فنحن شعوب محتلرفة كلام وتستطيع ان تسمع من خلال موضوع بسيط الاف الروايات والاشاعات وهذه ميزة نتميز بها علي بقية شعوب العالم.......كثرة الكلام وقلة الفعل..انظري خلال اي فترة زمنية مرت علينا لا يمكن ان لا يكون هناك موضوع يتكلم فيه الشارع...من حادثة الطائرة لحادثة حريق المسرح و العبارة ثم انفلونزا الطيور والان سجن تامر حسني وغدا اسلام جورج بوش وهكذا
وباااااااااااااااي
للعلم فقط ، و احن في الكلية اتعلمنا ان مية النيل في الصعيد هي خامس انقى ميه في العالم ، و كل ما تقرب من الساحل الشماي المية بتتعكر اكتر ، لغاية طنطا تصبح الياه غير صالحة للشرب
بس مع التعود على وساخة المية الناس كونت مناعة ضد الميكروبات اللي فيها
اللي أكتر من كده ان الكلور المضاف على المية بعد التنقية بيتضاف بكميات كبيرة كده ، اكتر من الحاجة ، لدرجة ان مية الحنفية بيتبقى قيها كلور كتير
من ناحية تانية مصر بيدخلها سنويا 55 مليار متر مكعب من خلال النيل
يعني تقريبا 150 مليون متر مكعب يوميا مية بتجري في النيل ، مستحيل تماما ان الكمية الضخمة دي يحصلها تلوث ، و خطر التلوث الوحيد هو خطر التلوث الاشعاعي
ايمن الجندي
احيانا يتم خلق موضوع للكلام اذا كان موضوع الساعة يلزم اجتنابه
و هو ما اعتقد ان هوجة انفلونزا الطيور , و اشاعات تلوث المياه منها
ربيع
مش بس المية , اغلب الاكل عبارة عن "تطعيم" بمعنى ملوث بانواع من البكتيريا تكون مناعة ضدها
الفكرة هنا هي رد فعل الناس , زي ما يكون تلوث المياه خبر مفاجئ بالنسبة لهم , جريوا لشراء المياه
و تلوث من طيور ميتة؟؟؟ يعني اول مرة حاجة ميتة تترمي في النيل؟؟؟؟؟؟
هههههه بجد أسلوبك ممتع..
""مية الحنفية فيها ما تبدو بجواره انفلونزا الطيور مضاد حيوي""
وإضافه بقه:من سنوات ولا يزال رأيت بأم عينى ولست وحدى مواسير ضخمه جدا تصب مواد "أسود من قرن الخروب" تصب فى النيل "اللى هو على الكورنيش"
و أما سألنا أختلفت الروايات..فهناك من قائل بأنها مخلفات مصانع..وهناك من قائل بأنها مياه الصرف الصحى ..والله أعلى و أعلم:)
ربنا يكرمك يا ريهام
و شهادتك دي مهمة جدا , لانه اكيد المواد السودة دي قتلت الفيروس و اي حاجة حية في النيل
Post a Comment
<< Home