الطريق الى المرسيدس
اعلان لطيف بدا عرضه منذ بداية رمضان يبدا بكلمة الطريق الى المرسيدسو طبعا الطريق اما بكفاح كوميدي او بالطريقة الاسهل و هي الدخول في السحب و لا شغل و لا تعب
الاعلان لم يثر تعجبي , في الفترة الاخيرة تحولت كل الافلام الى فكرة الثراء القادم عبر مسابقات التليفون
لا اعلم ان كانت ثقافة الثراء السهل ام يقينية انه لا مجال للطموح في بلدنا , و ان العمل مهما كان باخلاص لن يحقق لصاحبه ما يتمنى
فكرت في الواقع فوجدت ان كل ما يحيط لا يحفز على العمل , بل احيانا يشجع و بكل قوة على التراخي
حاليا انا بانهي اجراءات استلامي للعمل في مستشفى , كل ما سبق دار في ذهني اثناء حديثي مع طبيب اعرفه في المستشفى يسبقني بحوالي 10 سنوات.
قال لي بالحرف : عن خبرة اهم حاجة الاداريات و الورق ,الطب مش مشكلة كبيرة!!!!
لما استغربت قال لي بعد كام سنة هاتعرفي ان ماحدش هايحاسبك مهما حصل للعيان لكن الحساب لو اي ورقة تخص العيان نقصت
افتكرت كلام سمعته من احد شهود عيان محرقة بني سويف ان بعد ذهابهم للمستشفى تاخر نقلهم لقسم الحروق بسبب استيفاء اوراق الدخول
و تاكدت انه لا يوجد ما يسمى عمل حقيقي , اي عمل هنا هو خطوة ارادية للدخول في منظومة غباء
posted by bluerose @ 2:58 PM
6 Comments:
العقل البيروقراطي المصري
صاحب احد اعظم انجازات العالم
واهم مباديء علم الادارة التي تدرس في كل جامعات العالم
اشتغل كتير تغلط كتير اشتغل قليل تغلط أقل
نفس الموضوع ده بيقابل المهندس
والدكتور
والكيميائي
الكل مش عايز يشيل مسئوليه
نسيت اهم جزء في المبدا التاريخي
ماتشتغلش ماتغلطش
مش عارف انتي كنتي متوقعه ايه ؟
ان يقولك صحة المريض اهم حاجه وان الباقي دي حاجات شكليه ؟
في وطن الانسان بيدلل فيه على حد يشتري منه كليته معتقدش ان اغلبية الاطباء حيكونوا اكثر من سماسره او ممكن نقول ارزقيه زيه زي اي صنايعي او ميكانيكي بيغير شكمان بايظ ويركب واحد جديد وطبعا كل عربيه ومقامها مقام الجرار الزراعي المعغن اللي بيشتغل بالجاز مش زي طبعا جناب المرسيدس العيون
عارفه اللي يضحك ايه ؟
زمان كان الواحد لما يموت مكنش بينعى هم التربه بتاعته على الاقل عنده مدافن العيله دلؤتي القبر وصل تمنه في مدافن نضيفه (لو قبر جديد) لـ 15 الف جنيه
تخيلي متر في متر بـ15 الف
يعني ام العيشه بالذل وام الموت بالذل
مالك
الفكرة مش فكرة ضمير طبيب قد ماهي خلل اداري
بمعنى انك مش هاتشيل هم ضمير الدكتور لو فيه قواعد صارمة يتحاسب على اساسها
لكن تكون القواعد ان الورق اهم حاجة
!!!
على فكرة القبر اللي 15 الف جنيه دا بيجيبه بواسطة من المحافظة
قلتلي اغلب الاطباء ايه بقى؟؟؟
مش حيكونوا اكتر من سـماســــره:P
ليه تتعب إنما ممكن تخربش و تكسب
ليه تنتج إنما ممكن تكون مستهلك
Post a Comment
<< Home